Kryetari i Nismës, Fatmir Limaj, ka deklaruar se partia e tij nuk do të kontribuojë në zgjidhje gjysmake për konstituimin e Kuvendit.
Pas seancës, Limaj theksoi se Nisma është për një shumicë të qëndrueshme që do të mundësojë konstituimin e Kuvendit dhe formimin e një qeverie të re.
“Qëndrimi i Nismës është se ne nuk besojmë në zgjidhje parciale. Ne duam një shumicë qeverisëse, e cila e konstituon Kuvendin dhe e krijon Qeverinë. Nisma nuk do të kontribuojë në zgjidhje gjysmake që më pas do të çojnë në zgjedhje të tjera”, ka thënë Limaj.
