Ushtruesja e detyrës së presidentit, Albulena Haxhiu, do të mbajë të enjten, më 30 prill, një takim konsultativ me partitë politike lidhur me caktimin e datës së zgjedhjeve të reja.
Zëdhënësi i Lidhjes Demokratike të Kosovës (LDK), Besian Mustafa, e ka konfirmuar për Insajderin këtë takim me U.D Presidenten Albulena Haxhiu.
Ai bëri të ditur se LDK-ja do të përfaqësohet nga Jehona Lushaku, e cila në legjislaturën e fundit ka qenë shefe e grupit parlamentar të kësaj partie.
“Po, nesër në ora 15:00 në Kuvend, nga LDK merr pjesë znj. Jehona Lushaku”, ka deklaruar ai.
