Xhudistja kosovare Laura Fazliu ka fituar medaljen e bronztë në Grand Slamin e xhudos që po mbahet në Abu Dabi.
Në luftën për medalje, Fazliu u përball me kroaten Iva Oberan, bartësen e parë të garës, të cilën arriti ta mposhtë pas një dueli të barabartë.
Fituesja u përcaktua në kohën shtesë, kur Laura realizoi një hedhje të bukur dhe e përfundoi luftën me “Ippon”.
Me këtë sukses, Fazliu siguroi 500 pikë të reja në renditjen botërore të xhudos.
