Me një këngë folklorike, Latifi komentoi arrestimet e 109 personave për falsifikim të votave dhe manipulime zgjedhore.
Profesori universitar Blerim Latifi ka reaguar sot në mënyrë ironike ndaj lajmeve për manipulime zgjedhore në Prizren, ku 109 persona janë ndaluar nën dyshimet për falsifikim të rezultateve, dhënie dhe marrje ryshfeti dhe kanosje, sipas njoftimeve të Kryeprokurorit Petrit Kryeziu.
Latifi, duke përdorur një këngë të njohur të folklorit, ironizoi me situatën duke përshkruar mënyrën se si komisionerët dhe kandidatët ishin përfshirë në vjedhje votash, duke bërë një version të përshtatur të vargjeve të njohura.
“Ç’po përzihet ky Perzereni.
Na u kanë rrokë zotnit’ ndërveti…
Ah, jo, gabim.
Po çfarë zotnish, more.
Qe versioni i duhur:
Ç’po përzihet ky Perzereni.
Na u kanë rrokë komisionert ndërveti.
Kush po vjedh ma shumë se tjetri”, ka shkruar Latifi.
