Një person ka mbetur i plagosur si pasojë e të shtënave me armë zjarri që ndodhën sot në lagjen “Bajram Curri” në Prizren.
I plagosuri është Hill Paluca.
Sipas burimeve nga Emergjenca, ai është dërguar për trajtim mjekësor menjëherë pas incidentit, ndërsa po merr ndihmën e nevojshme nga stafi mjekësor.
Në vendin e ngjarjes kanë dalë njësitë relevante të Policisë së Kosovës, të cilat kanë rrethuar zonën dhe kanë nisur hetimet për zbardhjen e rrethanave të plagosjes.
Për momentin nuk dihen motivet e incidentit, ndërsa Policia po punon për identifikimin dhe kapjen e personit apo personave të përfshirë.
