Kryeministri i Kosovës, Albin Kurti, ka zhvilluar një takim me sekretarin e Shtetit për Punë të Brendshme të Gjermanisë, Hans‑George Engelke, ku është diskutuar për bashkëpunimin ndërmjet dy vendeve dhe mundësitë e thellimit të mëtejmë të tij.
Sipas njoftimit nga Zyra e Kryeministrit të Kosovës, në fillim të takimit Engelke e uroi Kurtin për formimin e qeverisë së re, ndërsa më pas bashkëbisedimi u përqendrua në zhvillimin ekonomik, progresin demokratik dhe bashkëpunimin në fusha të ndryshme.
“Kryeministri Kurti pranoi urimin dhe përgëzimet nga Sekretari i Shtetit Engelke për formimin e qeverisë së re. Gjatë takimit u theksua zhvillimi ekonomik dhe progresi demokratik i shtetit tonë, ndërsa pjesë e bashkëbisedimit ishin edhe mundësitë për thellimin e mëtejmë të bashkëpunimit bilateral, edhe në fusha si siguria dhe lufta kundër krimit”, thuhet në një njoftim të Zyrës së Kryeministrit.
