Kryeministri në detyrë, Albin Kurti, ka theksuar se rritja ekonomike e vendit po përdoret si një mjet për avancimin e progresit demokratik, përmirësimin e mirëqenies sociale dhe forcimin e stabilitetit institucional.
Ai ka falënderuar Bankën Botërore për mbështetjen e vazhdueshme, duke theksuar se kjo rritje është tashmë e njohur dhe e vlerësuar edhe nga ky institucion ndërkombëtar.
“Rritjen ekonomike në Kosovë e kemi vënë në shërbim të progresit demokratik, mirëqenies sociale dhe stabilitetit institucional. Kjo u mirënjoh tani edhe me vlerësim nga Banka Botërore, të cilën e falënderojmë për mbështetjen”, ka shkruar Kurti në Facebook.
