Qeveria në detyrë e Kosovës ka vendosur të rrisë pagën minimale në dy faza gjatë vitit 2026.
Sipas ministrit në detyrë të Financave, nga 1 janari 2026 paga minimale do të jetë 425 euro, ndërsa nga 1 korriku 2026 do të arrijë 500 euro.
Kryeministri në detyrë, Albin Kurti, ka theksuar se kur Qeveria e tij ka ardhur në pushtet, paga minimale ishte vetëm 130-170 euro.
“E rritëm më pas në 264 euro, pastaj në 350 euro dhe tash do ta rrisim në dy shkallë: 425 euro nga janari dhe 500 euro nga korriku i vitit të ardhshëm”, tha Kurti.
