Kryetari i Lëvizjes Vetëvendosje, Albin Kurti, ka deklaruar se procesi i zgjedhjes së Presidentit të ri të vendit nuk mund të jetë barrë apo përgjegjësi ekskluzive vetëm e partisë që ka fituar zgjedhjet.
Kurti ka bërë një dallim të qartë mes formimit të ekzekutivit dhe zgjedhjes së kreut të shtetit, duke theksuar se ky i fundit kërkon një konsensus më të gjerë politik.
“Nëse unë si fitues i zgjedhjeve, si kryetar i Vetëvendosjes, kam përgjegjësinë për formimin e Qeverisë, zgjedhja e presidentit nuk është përgjegjësi vetëm e partisë fituese. Zgjedhja e presidentit është menduar që të ndodhë me një bashkëpunim me të tjerët“, u shpreh Kurti.
Sipas kreut të LVV-së, pikënisja për këtë post duhet të jetë një figurë unifikuese, ashtu siç e përcakton edhe Kushtetuta e vendit.
Ai ka sugjeruar që profili i ardhshëm i presidentit të mos i përkasë asnjë taborri partiak.
“…dikush që s’është i asnjë partie politike“ dhe „dikush që është përtej polemikave të skenës aktuale“.
