Kryeministri në detyrë i Kosovës, Albin Kurti, komentoi investimin më të madh në historinë e Termocentralit “Kosova B”, ku ekspertët e General Electric — kompania amerikane që dizajnoi turbinat para 40 vjetësh — po bashkëpunojnë me punëtorët e KEK-ut për modernizimin e tyre.
Kurti theksoi:
“Pas katër dekadash pritjeje, më në fund një investim prej mbi 56 milionë euro në ‘Kosova B’. Modernizimi që rrit prodhimin vendor dhe ul varësinë nga importi është i domosdoshëm për sigurinë energjetike të Kosovës.”
“Ekspertët e kompanisë amerikane General Electric (GE), e cila para 40 vjetëve kishte dizajnuar teknologjinë e turbinave të Termocentralit “Kosova B”, tash po punojnë krah për krah me punëtorët e palodhshëm të KEK-ut për modernizimin e tyre, falë investimit të vetë KEK-ut në vlerë mbi 56 milionë euro“.
