Ismet Kryeziu nga Instituti i Kosovës për Demokraci (KDI) ka reaguar lidhur me deklaratat e kryetarit të Lidhjes Demokratike të Kosovës (LDK), Lumir Abdixhikut.
Kryeziu ka thënë se duke parë deklaratat e fundit të Abdixhikut, mund të kuptohet pse LDK ka rënë në 13 për qind.
“I lexova disa deklarata të kryetarit të LDK-së këto ditët e fundit. Kur i lexon këto deklarata, shumë lehtë e kupton pse LDK-ja ka rënë në 13%”, ka thënë ai.
Abdixhiku së fundmi ka filluar të sulmojë mediat, njësoj sikurse kryeministri në detyrë, Albin Kurti. Disa e kanë interpretuar këtë si kopjim i metodës së Kurtit për t’u ngritur në pushtet.
