Presidenti amerikan Donald Trump takoi ditën e hënë liderët evropianë në kuadër të përpjekjeve për fundin e luftës mes Ukrainës dhe Rusisë.
Mes pjesëmarrësve ishte presidenti finlandez, i cili iu bashkua takimit me homologun ukrainas, Volodymyr Zelensky.
Trump duket se u hutua për një moment kur kërkoi presidentin e Finlandës, Alexander Stubb, i cili ishte ulur përballë tij.
Ai u shpreh “president Stubb i Finlandës, ai është dikush që… ku është ai?”. Presidenti Stubb iu përgjigj qetësisht dhe i buzëqeshur “unë jam këtu”.
Trump nuk ngurroi të vlerësonte pamjen dhe punën e tij, duke shtuar se: “Oh! Dukesh më mirë se kurrë që të kam parë! Ke bërë një punë të shkëlqyer!”.
