Kryeministri i Grenlandës ka deklaruar se shteti i tij nuk dëshiron që të jetë pjesë e Amerikës.
“Ne jemi Grenlandezë. Ne nuk duam të jemi amerikanë. Ne nuk duam të jemi as danezë. E ardhmja e Grenlandës do të vendoset nga Grenlanda”, tha kryeministri Múte Egede në një konferencë për shtyp.
Kujtojmë se pak ditë më parë ishte presidenti amerikan i zgjedhur, Donald Trump i cili tha se nuk përjashton mundësinë e përdorimit të forcës ushtarake për të marrë kontrollin e kanalit të Panamasë por dhe Grenlandën.
Republikani tha në një konferencë për shtyp se kjo gjë do të ishte jetike për sigurinë kombëtare të Shteteve të Bashkuara.
