Kroacia ka dërguar një kontingjent prej 133 ushtarësh në Kosovë, si pjesë e misionit paqeruajtës të KFOR.
Ceremonia e përcjelljes së kontingjentit të 45-të kroat u mbajt në kazermën “Kolonel Predrag Matanović” në Petrinja, ku morën pjesë zyrtarë të lartë të mbrojtjes së Kroacisë.
Sipas autoriteteve kroate, pjesëtarët e këtij kontingjenti do të angazhohen në kuadër të misionit të NATO-s në Kosovë, me qëllim ruajtjen e paqes dhe stabilitetit në terren.
Zyrtarët kroatë theksuan se pjesëmarrja në misionet paqeruajtëse ndërkombëtare dëshmon profesionalizmin dhe përgatitjen e ushtrisë së tyre, ndërsa u urua që kontingjenti të kryejë me sukses detyrat dhe të kthehet i sigurt në vend.
