Jimmy Lai, ish-magnati i medias pro-demokracisë dhe kritik i ashpër i Pekinit, është dënuar me 20 vjet burgim në Hong Kong, dënimi më i rëndë deri tani sipas ligjit të sigurisë kombëtare të vendosur nga Kina.
78-vjeçari u shpall fajtor për komplot me forca të huaja dhe për botim të materialeve nxitëse kundër shtetit. Lai u paraqit i qetë në seancë, duke përshëndetur mbështetësit e tij, ndërsa dënimi ka ngjallur reagime të forta në opinionin publik ndërkombëtar.
