Analisti politik, Albert Krasniqi ka thënë se mohimi i Listës Serbe për përfaqësim në Kryesinë e Kuvendit nuk është akt patriotik por shkelje e rendit kushtetuese.
Ai ka thënë se kjo qasje dëmton shtetin dhe e forcon Asociacionin me kompetenca ekzekutive.
Shkrimi i tij:
Kryesia e Kuvendit është organ administrativ, ku përfaqësohen grupet më të mëdha parlamentare përmes nënkryetarëve. Mohimi në mënyrë kundër kushtetuese i përfaqësimit të subjektit më të madh politik të komunitetit serb nuk është akt patriotik, por shkelje e rendit kushtetues.
Një qasje e tillë jo vetëm që dëmton shtetin ligjor, por paradoksalisht e forcon Asociacionin me kompetenca ekzekutive, duke e shndërruar në justifikim politik ndërkombëtar.
