Kryesuesi i Komisionit Qendror të Zgjedhjeve, Kreshnik Radoniqi, ka bërë të ditur se gjatë ditës së sotme, në të cilën po zhvillohen zgjedhjet nacionale, janë regjistruar disa probleme me furnizimin me energji elektrike në disa komuna.
Sipas raportit të orës 11:00 nga dhoma operative e KQZ-së, mungesa e energjisë elektrike është evidentuar në gjashtë qendra votimi që i takojnë komunave Istog, Ferizaj, Viti, Rahovec, Graçanicë dhe Gjilan.
Radoniqi shtoi se: “KQZ e ka njoftuar KEDS-in për këtë çështje dhe po ndjek nga afër situatën për të siguruar që procesi zgjedhor të vazhdojë pa pengesa.”
