Kimete Berisha: Të gjithë kundër Albin Kurtit!

Të Gjithë Kundër Albin Kurtit!
(Rituali i Dështimit Kolektiv)
Dje Albin Kurti tentoi të bëjë qeverinë.
Pa sukses.
Askush nuk pranon të bashkëpunojë me të. Pse?

1. Ambasadorët e QUINT: kujdesen që askush të mos bashkëpunojë me Albin Kurtin.
2. Opozita: sepse i ka bërë të ndjehen inferiorë.
3. Arsyeja e tretë: Sekret. Po, kush dështoi më shumë?
   • A jeni gati të më lexoni të gjithë… edhe ata që do të donin të mos kisha ekzistuar?!
     1: “Memli: Mjeshtri i Dështimit Strategjik”
     (VV vs PDK)
     Albini: Mirë. Do ta votoni qeverinë time?
     Memli: Kurrë. Kurrë, o burrë!
     Nuk ka ofertë, nuk ka diskutim, nuk ka asgjë.
     Albini: Por… nuk kemi folur ende për ndonjë ofertë?
     Memli: Asnjë ofertë nuk ekziston. Edhe sikur të ekzistonte: Jo!
     Albini: Po pse?
     Memli: Nuk na duhet ndihma jote për të dështuar! Dështojmë vetë ne.
     Situatë qesharake:
     Memli mbante një tabelë me shenja Po / Jo / Nuk ekziston, dhe e çonte lart sa herë që Albini fliste. Albini përpiqej të gjente përgjigjen e duhur, por tabela gjithmonë e mashtronte.
     2: “Lumiri: ‘Arkitekti i Refuzimit’
     (VV vs LDK)
     Albini: Ne jemi të gatshëm për dialog.
     Lumiri: Po mirë, çfarë dialogu?
     Albini: Dialog ku të gjithë na japin vota pa kushte.
     Lumiri: Jo…Jo pa e lexuar librin tim të rregullave… që ende nuk e kam shkruar.
     Situatë qesharake:
     Lumiri mbante një libër të trashë me titull “Si të mos bashkëpunosh kurrë”.
     Libri ishte i trashë… por kishte vetëm një faqe ku shkruante: “Jo.”
     3: “Sekreti i Mullirit të
     Braktisur”
     (VV vs AAK)
     Albini: Ramush, mund të bashkëpunojmë?
     Ramushi: Jo! Asnjëherë. Kurrë.
     Albini: …po nuk të kam ofruar asnjë ofertë!
     Ramushi: E di! Prandaj e refuzoj paraprakisht!
     Albini: Po mirë, çfarë dëshiron?
     Ramushi: Nëse nuk më dëgjoni, të paktën mos më pengoni!
     Dëshiroj që të mos ekzistosh, ose të dukesh sikur nuk ekziston.
     Situatë qesharake: Ramushi rrëshqet mbi tapetin e parlamentit, ndërsa Albini përpiqej ta kapte para se të binte.
     4: “Tri Votat e Shenjta”
     (VV vs NISMA)
     Albini: Fatmir, a po vjen me neve në qeveri?
     Fatmiri: Ne po presim numërimin e votave.
     Albini: Po veç 3 vota i keni!
     Fatmiri: Pikërisht, dhe të tria janë shumë të çmuara. Me to mund të bëjmë revolucion.
     Albini: Për çka?
     Fatmiri: Për motivim moral! Pa neve nuk ka shumicë… morali!
     Situatë qesharake: Limaj në mesin e dy deputeteve bjonde dukej si agjenti 003, numëronte votat si medalje dhe ia tregonte Albinit.
     5: “Nikad, ćak ni tad!”
     (VV vs Lista Serbe)
     Albini: Mirë, si Lista Serbe, çka thoni ju?
     Lista Serbe: Nuk flasim me ty.
     Albini: A mund të përgjigjeni… apo nuk keni marrë mesazh nga Beogradi?
     Lista Serbe: Mendimi ynë është se s’kemi mendim.
     Albini: Pse jeni kundër meje, e jo edhe kundër opozitës?
     Lista Serbe: Sepse ne jemi ekstremisht kundër çdo bashkëpunimi me ty!
     Situatë qesharake: Lista Serbe e shikon Kurtin si “armik suprem” politik dhe përdor një glob të madh si sistem referimi strategjik.
     6: “Kush Është Fituesi?”

• Opozita që nuk bashkëpunoi?
• Albini që ndoshta nuk deshi të kishte ndonjë partner?
• Populli që shkon sërish në votime?
  Fitues: Humbësi.
  Humbësit: Të gjithë, sepse duan të dështojnë më bukur se njëri-tjetri.
  7: “Ambasadorët e QUINT në Zyrën e Regjisë”!
  Ambasadorët e QUINT:
• Mos u shqetësoni!
  Ne jemi këtu të sigurohemi që askush të mos bashkëpunojë me askënd.
  Sepse… demokracia!
• Albini: E kush ka më shumë vota?
• Ambasadorët: Ne jemi këtu për balancë. Që mos të duket sikur dikush po fiton shumë… edhe kur fiton.
• Albini: Po unë prapë do t’i fitoj zgjedhjet!
• Ambasadorët: Po pra! Ky është skenari.
  Monologu Final i Albin Kurtit
  (Dritat skuqen, muzika dramatike ndizet… Albini del para publikut duke buzëqeshur)
  Albini:
  Popull i dashur!
  Unë desha qeveri.
  Desha aleatë.
  Desha bashkëpunim… në letër.
  Dhe vetëm nëse i zgjedh unë.
  Unë jam njeriu më i refuzuar në vend…
  dhe prapë më i votuari!
  Shikoni ata:
  Secili thotë “jo Albinit”
  derisa vjen dita e zgjedhjeve,
  pastaj… ju thoni “po Albinit”.
  E unë?
  Unë jam i juaji.
  Më pyesin: A ke dështuar?
  Jo, kurrë.
  Çdo “jo” që marr më afron më pranë “po”-s që do të vijë.
  Unë nuk jam i vetmuar, kam gjithë popullin që më sheh.
  Sot nuk e bëra qeverinë.
  Por nesër do t’ma jepni ju.
  Se në këtë vend, edhe kur s’ka qeveri, ka Albin.
  (Buzëqesh dhe mbyll dritën me telekomandë…)
  
• P.S.
  Nëse ndjeni se kam pak tension…
  mos u shqetësoni.
  Një komandant gojëmadh po më ndjek… në Facebook 😒