Deputetja e Lidhjes Demokratike të Kosovës, Doarsa Kica-Xhelili, ka thënë që është e tmerrshme mendësia e kryeministrit Albin Kurti që prokuroria t’i shkojë në zyrë për t’ia marrë dëshminë.
“E para, kur nuk ke se çfarë fsheh, shkon”, ka thënë Kica-Xhelili.
“E dyta, kryeministri i vendit para ligjit është i barabartë me çdo qytetar të Republikës së Kosovës”.
“E treta, nuk ka imunitet nga veprat penale të asnjë zyrtari publik, asnjë personi në politikë”.
“Kushdo po të ishte në vendin e tij, nuk ka rëndësi për kë po flasim, dhe mendon që duhet ta neutralizojmë një mentalitet ku është e pranueshme për një prokuror me shku në zyrë, duhet të gjithë ta kuptojmë sa e tmerrshme është si mendësi. Sespe kjo mendësi i bie që unë të kontrolloj ty, e jo ti mu”.
