Televizioni shtetëror iranian, teksa ka transmetuar sot pamjet e Donald Trump pas atentatit që iu bë në Pensilvani, ka lëshuar një kërcënim të drejtpërdrejtë.
“Këtë herë plumbi nuk do të dështojë”, thuhet nga shkrim.
Sipas një organizate për të drejtat e njeriut, më shumë se 3,400 persona janë vrarë nga forcat iraniane të sigurisë gjatë një shtypjeje të ashpër të protestave. Ndërkohë, Shtetet e Bashkuara po evakuojnë qindra trupa nga baza e tyre më e madhe ushtarake në Lindjen e Mesme, për shkak të frikës se regjimi iranian mund të ndërmarrë hakmarrje pas një sulmi të mundshëm.
ADVERTISING
Organizata Joqeveritare për të Drejtat e Njeriut në Iran (IHR), me seli në Norvegji, bëri të ditur gjithashtu se mbi 10,000 persona janë arrestuar.
Donald Trump ka paralajmëruar se do të ndërmarrë “masa të ashpra” kundër Iranit nëse regjimi ekzekuton protestuesit. Nga ana tjetër, Irani ka deklaruar se do t’u përgjigjet sulmeve të armikut “deri në pikën e fundit të gjakut”.
Ministri iranian i Mbrojtjes, Aziz Nasirzadeh, deklaroi se vendi i tij është plotësisht i përgatitur për t’u mbrojtur në rast se sulmohet.
“Nëse këto kërcënime shndërrohen në veprime, ne do ta mbrojmë vendin me forcë të plotë dhe deri në pikën e fundit të gjakut. Mbrojtja jonë do të jetë e dhimbshme për ta”, tha ai për mediat lokale.
Ndërkohë, Erfan Soltani, 26 vjeç, pritet të bëhet personi i parë i ekzekutuar gjatë këtyre demonstratave. Sipas raportimeve, ai do të varet të mërkurën në mëngjes, sipas kohës lokale.
