Policia gjermane evakuoi sot rreth 340 pasagjerë nga një tren që udhëtonte nga Këlni në Berlin, pasi një person i armatosur kërcënoi stafin me thikë.
Një tren u ndalua dhe u evakuua në qytetin verior të Gifhorn pasi një burrë 44-vjeçar kërcënoi stafin me një thikë dhe një objekt të gjatë të rrezikshëm dhe policia më pas arrestoi të dyshuarin, raporton Independent.
Raportohet se treni u evakuua për shkak të mundësisë që një objekt i rrezikshëm ishte ende në bord dhe policia federale dhe dy mbajtës qensh kontrolluan trenin dhe shpejt konfirmuan se nuk kishte asnjë rrezik.
Ende nuk ka informacione për pasagjerë që mund të jenë lënduar nga ngjarja, ndërsa i dyshuari është i njohur më parë për policinë.
