Një person është arrestuar në Aeroportin Ndërkombëtar të Prishtinës “Adem Jashari”, pasi dyshohet se ka kanosur një tjetër pas një mosmarrëveshjeje.
Sipas policisë, ngjarja ka ndodhur të dielën rreth orës 17:20.
Policia njofton se i dyshuari, mashkull kosovar, është arrestuar për kanosje ndaj viktimës mashkull kosovar.
Gjatë intervenimit, nga i dyshuari është sekuestruar një pistoletë me leje, si dhe 45 fishekë.
Me vendim të prokurorit, i dyshuari është liruar në procedurë të rregullt.
