Pas përfundimit të procesit zgjedhor në Kosovë, ka reaguar përfaqësuesja e lartë e BE-së për politikë të jashtme, Kaja Kallas.
Në një postim në rrjetin social “X”, ajo ka bërë thirrje që udhëheqësit politikë në Kosovë të angazhohen në mënyrë konstruktive për të siguruar formimin sa më të shpejtë të qeverisë së re.
Ajo gjithashtu ka theksuar se progresi në dialogun ndërmjet Beogradit dhe Prishtinës, si dhe normalizimi i marrëdhënieve me Serbinë, mbeten elemente thelbësore për avancimin e Kosovës në rrugën e saj evropiane.
