Këngëtari Labinot Rexha ka befasuar me deklaratën për Jozefin Markun, banorin e BBVA, emri i të cilit u bë bujë pas shuplakës që ia dha banorit tjetër, Gjestit.
Rexha ka thënë në Klan Kosova se Jozi ka qenë për mbi tri vite në burg në Zvicër, por që arsyen s’e ka bërë të ditur, përcjell Insajderi.
“Jozefin Markun e njoh shumë mirë, kam pasë rastin të punoj me atë mbi tre vite në Zvicër derisa kemi përformuar në një diskotekë së bashku. Ai ka qenë, në një rast ka ndihmu disa familjarë në Kosovë, por sado… Paska qenë një gacë e mbuluar sa po e shoh unë, sepse ka pasë nevojë për atë vend. Herë pas here ka qenë agresiv shumë. Ai njihet si një djalë, ka talent shumë të madh, këndon bukur, por ai derisa ka qenë në burg në Zvicër”, ka thënë ai.
“Nuk e di pse ka qenë në burg, por ka qenë një kohë të gjatë atje. Më duket mbi tre vite, me sa e di unë, por nuk e di për çka”, vijon Rexha.
