Aktivisti I LDK-së dhe kryetari i Shoqatës thirja për drejtësi, Imeri Imeri, ka folur rreth vrasjes së vllait të tij, Haki Imerit, që u bë 26 vite më pare, ku zbuloi se kush mund të jenë urdhërdhënësit sipas tij.
Imeri Imeri në “Kojshia show”, ka thënë se Hashim Thaçi, është njeriu më i pafjashëm sipas tij, dhe se ai nuk i ka vrarë vëllaun e tij, Haki Imeri.
Imeri, ka zbuluar se ka informacione se kush e dha urdhërin sipas tij, që të ja mbysin vëllaun.
Pjesë nga intervista:
Moderatori: Qysh u b’a baci Imer kaq i poshtër dhe shkoi me dëshmua në Hagë kundër Hashimit?
Imeri: Unë nuk jam bërë i poshtër. A i bëjnë hesap ky milet njerëzit që iu vranë, a e bëjnë hesap që mua m’u ka vra vëllau.
Moderatori: Ti the më herët që Hashimi nuk t’a ka vra.
Imeri: Jo, Jo Hashimi jo por urdhëruesit tjerë.
Moderatori: E kush janë urdhëruesit tjerë?
Imeri: Më vjen keq shumë, Hashimi më ka thënë për Rexhep Selimin, por nuk është Rexhep Selimi.
E ka mbuluar një tjetër, e ka mbuluar Sami Lushtakun. Sami Lushtaku është urdhërues i vrasjes së vëllait tim.
