Avokati i njohur, Arianit Koci i cili në format e veta së fundmi ka shprehur frustim me ngërçin politik në vend, duke e shfaqur edhe me protesta, i ka quajtur “tucana, qyqana”, deputetët e PDK-së, LDK-së e AAK-së.
Këto ofendime i njëjti i bëri me shkas të dështimit të konstituimit të Kuvendit për 41 herë me radhë.
“PDK, LDK, AAK dhe Nisma – jeni qyqana, veç ta dini. Tucana! Albini po bën çka po don me juve. Haram ju qofshin votat. Nuk i meritoni! Edhe ti, Presidente – mos taktizo. Kryeje detyrën. 41 herë ke dështuar me reagu si duhet. Nuk është kjo mënyra e duhur me e vazhdu edhe një mandat!”, ka shkruar Koci.
