Një ministër dhe dy zëvendësministra të Qeverisë Kurti nuk ndodhen as në 50-shen e kandidatëve më të votuar të Lëvizjes Vetëvendosje në zgjedhjet e 9 shkurtit.
Numërimi i rreth 75 për qind të votave të kandidatëve për deputet, ka zbuluar numrin e votave dhe renditjen në listën e Lëvizjes Vetëvendosje.
Aty ndodhen figurat e reja të Vetëvendosjes, këngëtarja Edona Llalloshi, trajneri Bylbyl Sokoli dhe analisti Nezir Kraki.
Por, jashtë kuvendit – aktualisht – pritet të mbesin ministrja Rozeta Hajdari dhe zëvendësministrat, Blerim Gashani e Daulina Osmani.
Pas numërimit të rreth 75 për qind të votave, votuesit i kanë dhënë nga një ‘goditje’ të rëndë secilit prejt ministres në detyrë, Rozeta Hajdari dhe zëvendësministrave në detyrë, Blerim Gashani e Daulina Osmani.
Të tri figurat e Qeverisë Kurti, i kanë hyrë garës të renditur në 50-shen e parë në listë. Atkualisht, ministrja Hajdari nuk ndodhet në mesin e 50-shes më të votuar, ashtu si zëvendësministri i Brendshëm, anëtari i partisë Guxo, Blerim Gashani, si dhe zëvendësministrja e Kulturës, Daulina Osmani.
Më i votuari në Lëvizjen Vetëvendosje është numri një i kësaj liste, kryeministri në detyrë Albin Kurti me 222 mijë vota aktualisht.
Pas tij vjen kryeparlamentari Glauk Konjufca me 170 mijë vota, i pasuar nga ministri në detyrë i Bujqësisë, Faton Peci, i cili numëron 84 mijë vota.
