CNN raporton se sulmi i sotëm izraelit në Teheran goditi zonat e banuara me popullsi të dendur të kryeqytetit iranian, duke përfshirë tre qendra të frekuentuara të qytetit: sheshin Tajrish dhe Quds, Avenue Shariati dhe sheshin Valiasr.
Këto janë zonat kryesore të trafikut dhe tregtimit të Teheranit – Tajrish është i njohur për qendrën e tij të madhe tregtare, ndërsa Valiasr është një nga rrugët kryesore të qytetit.
Sulmi në sheshin Quds ndodhi vetëm 50 metra larg spitalit Shohada, një nga qendrat kryesore mjekësore në veri të Teheranit. Pamjet që qarkullojnë në mediat sociale, të cilat CNN i ka vendosur gjeografikisht, tregojnë tym të dendur që ngrihet në ajër nga një pjesë e qytetit pranë Valiasr Avenue.
Një tjetër pamje nga Sheshi Quds tregon një person që merret me barelë nga një ambulancë, ndërsa në sfond shihen xhamat e thyer të një ndërtese aty pranë.
Fotot e tjera tregojnë tym dhe dëmtime pranë ndërtesës së Ministrisë iraniane të Drejtësisë. Ushtria izraelite ka deklaruar më parë se po synon komplekset ushtarake dhe bërthamore në Iran, por CNN vë në dukje se nuk ka objekte të njohura ushtarake në lagjet e prekura.
