Agjencia shtetërore iraniane e lajmeve IRNA, ka njoftuar se disa persona u plagosën pasi Izraeli shënjestroi selinë e policisë kombëtare të Iranit në një sulm të sotëm.
“Një numër ndërtesash pranë selisë së Komandës Kombëtare të Zbatimit të Ligjit të Iranit u shënjestruan, si pjesë e agresionit të vazhdueshëm nga regjimi uzurpues dhe brutal sionist”, raportoi IRNA.
Ministri izraelit i Mbrojtjes, Israel Katz, deklaroi më parë se vendi i tij kishte “shkatërruar” selinë e “sigurisë publike” të Iranit.
Avionët luftarakë të Forcave Ajrore Izraelite “shkatërruan selinë e sigurisë publike të regjimit iranian – dega kryesore shtypëse e diktatorit iranian”, pohoi Katz.
CNN nuk mundi ta verifikonte në mënyrë të pavarur këtë pretendim dhe Katz nuk dha detaje të mëtejshme.
Mediat shtetërore iraniane kishin raportuar më parë se një sulm izraelit ndodhi pranë një objekti të Gjysmëhënës së Kuqe në Teheran. Selia e Komandës Kombëtare të Zbatimit të Ligjit është në të njëjtën rrugë me objektin e Gjysmëhënës së Kuqe.
