Ministria e Punëve të Jashtme e Italisë ka dënuar ashpër sulmin në kanalin e Ibër-Lepencit, duke e cilësuar atë si një akt të dënueshëm ndaj një infrastrukture kritike të Kosovës.
“Italia dënon sulmin e neveritshëm në kanalin ujor në Zubin Potok, një infrastrukturë e rëndësishme kritike e vendit. Përshëndesim ndihmën e shpejtë të ofruar nga KFOR-i dhe EULEX-i për autoritetet dhe qytetarët e Kosovës, të cilëve u shprehim solidaritetin tonë,” thuhet në deklaratën e tyre.
Italia ka theksuar mbështetjen e saj për ruajtjen e stabilitetit dhe sigurisë në Kosovë, duke lavdëruar përpjekjet e organizatave ndërkombëtare për t’iu përgjigjur situatave të tilla.
