Pas aksidentit të rëndë që ndodhi në rrethrrotullimin në Vushtrri, përballë Emona Center, ka folur një dëshmitar i cili ka pa gjithëçka aty, shkruan GazetaKosova.net
“Ishte si skenë filmi”, shprehet ai, teksa tregon se Policia ishte duke e ndjekur nga drejtimi i Mitrovicës, kurse personi me veturēn 01, ka tejkaluar si i “çmendur” veturat tjera, duke mos respektuar as semaforat dhe nga trotuari ka tejkaluar duke u munduar të ikë nga Policia.
Më pas në rrethrrotullim, ai ndeshet me veturën Golf2, ku ka lënduar disa persona. Edhe pas kësaj, i kërkuari nga Policia ka tentuar të largohet, por Policia e cila ishte pas tij e ka ndaluar dhe arrestuar.
Në vendin e ngjarjes ishte edhe ambulanca e cila të lënduarit pas aksidentit i ka dërguar në Spitalin e Vushtrrisë.
