Veterani i Ushtrisë Çlirimtare të Kosovës, Hamdi Morina, ka ndërruar jetë sot.
Lajmin e ka bërë të ditur kryetari i degës së OVL-UÇK-së në Drenas, Enver Hajdari.
Ai ka treguar se Hamdiu ka qenë komandant skuadre në Brigadën 114 “Fehmi Lladrovci” dhe një luftëtar i palëkundur.
“Me dhembje të thellë njoftojmë ndarjen nga jeta të bashkëluftëtarit dhe veteranit të Ushtrisë Çlirimtare të Kosovës, Hamdi Morina. Hamdiu ishte komandant skuadre në Brigadën 114 “Fehmi Lladrovci”, një luftëtar i palëkundur që me guxim dhe përkushtim i shërbeu atdheut në ditët më të vështira. Pas luftës, ai vazhdoi të mbetej besnik ndaj vlerave të UÇK-së, duke qenë gjithmonë një shembull i nderit dhe sakrificës. Lavdi jetës dhe veprës së Hamdi Morinës!Lavdi Ushtrisë Çlirimtare të Kosovës!”, ka shkruar Hajdari.
