Skena mizore u zhvilluan të shtunën në mëngjes në Vorizia të Kretës, ku ndodhi një shkëmbim zjarri midis dy familjeve . Deri më tani, 3 persona janë konfirmuar të vdekur nga incidenti i përgjakshëm shkruan Ekathemierini.
Fshati u shndërrua në një fushë beteje, ndërsa të shtëna me armë zjarri u dëgjuan për një kohë të gjatë, duke shkaktuar panik tek banorët e zonës.
Forca të forta policie nga Heraklioni dhe Mesara kanë mbërritur me shpejtësi në vendngjarje, ndërsa kreu i Policisë Greke dhe kreu i “FBI- së Greke ” po shkojnë me nxitim në zonë.
Një burrë, banor i Athinës, i cili ndodhej rastësisht në vendngjarje, përshkroi momentet e terrorit që përjetoi. Ai theksoi se ishte nisur me makinën e tij për të pirë një kafe në Zaros , duke kaluar nëpër fshat në kohën kur ndodhën ngjarjet.
“Papritmas pashë një makinë 4×4 që qëllonte në të gjitha drejtimet. Nuk e kuptova nga vinin plumbat . Thjesht ndjeva sikur isha në ferr”, tha dëshmitari, duke përshkruar se si makina e tij u godit nga të shtëna të shumta përpara se të arrinte të shpëtonte shëndoshë e mirë në momentin e fundit.
“Njoftova menjëherë policinë dhe ata më thanë të shkoja në shtëpi. Armët duhet të kenë qenë kallashnikovë dhe shumë pistoleta. Në fakt, pashë edhe të vdekurin dhe, siç e kuptova, puna ishte e kurdisur . Unë rashë mbi zjarrin e kryqëzuar”, shtoi dëshmitari okular.
“Në orën 11:00 njoftova policinë dhe i shpëtova vdekjes . Plumbat shpuan gomën, ndërsa makina pësoi dëme të mëdha”, shtoi ai.
