Ish-Presidenti i Malit të Zi, Millo Gjukanoviq, ka qëndruar në një vizitë në Prishtinë, ku ka takuar kryetarin e Vetëvendosjes dhe Kryeministrin e Kosovës, Albin Kurti, në Zyrën e Kryeministrit.
Gjukanoviq ka bërë të ditur vizitën përmes një postimi në “X”, ku shkruan: “Gjatë vizitës sime në Prishtinë, u takova shkurtimisht me Kryeministrin e Kosovës, Albin Kurtin, dhe e urova për fitoren e tij të fundit zgjedhore. Në një bisedë miqësore, shkëmbyem pikëpamje mbi proceset aktuale në Ballkanin Perëndimor dhe në nivel global, me fokus të veçantë në çështjet me rëndësi për sigurinë e rajonit”.
