Sipas Agjencisë Gjermane të Shtypit, Eike Immel, ish-portieri i Borussia Dortmund dhe i kombëtares gjermane, është dënuar me burg pas shpalljes fajtor për mashtrim në 107 raste.
Gjykata e rrethit në Marburg e ka dënuar 64-vjeçarin me dy vjet e dy muaj burg. Lajmi është konfirmuar nga avokati i tij, Turgay Schmidt, i cili tha se vendimi ende nuk është përfundimtar. Gjykata fillimisht nuk ishte e disponueshme për koment.
Në shumicën dërrmuese të rasteve, Immel akuzohej se kishte marrë hua para nga të njohurit e tij dhe nuk i kishte kthyer. Shuma totale e mashtrimit llogaritet të jetë rreth 34 mijë euro.
Avokati i tij ka njoftuar se do të apelojnë vendimin.
“Ne do të paraqesim një ankesë kundër vendimit. Do të presim arsyetimin me shkrim të vendimit, do ta shqyrtojmë atë plotësisht dhe më pas do të përgatisim ankesën në përputhje me rrethanat.”, tha Schmidt.
Ekipi ligjor i Immel ka një javë kohë për të paraqitur ankesën.
