Ish-kryeministri i Suedisë dhe i Dërguari i Posaçëm i Bashkimit Evropian për Ish-Jugosllavinë, Carl Bildt, ka deklaruar se mungesa e një marrëveshjeje paqeje për Kosovën mbetet një problem serioz për stabilitetin e rajonit.
Gjatë një paneli diskutimi në Asamblenë Parlamentare të NATO-s, që po mbahet në Dayton të SHBA-së, Bildt theksoi nevojën urgjente për një marrëveshje përfundimtare.
“Duhet të ketë një marrëveshje paqeje për Kosovën në një moment të caktuar, sepse fakti që lufta në Kosovë përfundoi pa një marrëveshje paqeje është një problem shumë i madh”, deklaroi ai.
Ai kujtoi përvojën nga procesi i Marrëveshjes së Daytonit për Bosnjën, duke paralajmëruar se manovrimet politike të pasluftës shpesh ishin vetëm një vazhdim i konfliktit ushtarak me mjete të tjera.
“Kjo gjë është zbehur, por nuk ka zhdukur plotësisht. Prandaj, rajoni duhet të mësojë nga pjesa tjetër e Evropës, e cila ka kaluar nëpër histori, tmerre dhe luftëra,” tha Bildt, duke theksuar nevojën për stabilitet dhe pajtim afatgjatë në Ballkanin Perëndimor.
