Lamborghini pritet të prezantojë një model të ri special këtë vit, i cili mund të jetë një homazh për legjendaren Lamborghini Miura.
Sipas raportimeve, zbulimi i veturës mund të ndodhë në gusht.
Modeli i ri thuhet se do të bazohet në Lamborghini Revuelto dhe do të prodhohet në vetëm 60 njësi, për të shënuar 60-vjetorin e Miura-s.
Miura origjinale debutoi në Geneva Motor Show 1966, duke revolucionarizuar industrinë e veturave sportive.
Versioni i ri pritet të vijë me dizajn dyngjyrësh dhe përmirësime të tjera estetike, duke ruajtur frymën ikonike të modelit klasik.
