Kandidati i Partisë Demokratike të Kosovës për kryetar të Vushtrrisë, Ferit Idrizi, nga sheshi i qytetit ka falënderuar qytetarët për përkrahjen pas rezultateve preliminare të zgjedhjeve lokale, të cilat e rendisin atë të parin me mbi 45% të votave.
“Vushtrria jonë sonte e tregoi forcën e jashtëzakonshme, fitoren që garanton siguri e punë të mëdha për qytetin tonë,” ka deklaruar Idrizi në një postim pas përmbylljes së numërimit në mbi 90% të vendvotimeve.
Ai ka shprehur mirënjohje për mbështetjen dhe emocionet që, sipas tij, dëshmuan fuqinë e lidhjes së tij me qytetarët.
“Faleminderit nga zemra për gjithë emocionet e për gjithë përkrahjen. Ju jam përjetë mirënjohës!”
Sipas të dhënave të fundit, Idrizi pritet të shkojë në balotazh me kandidatin e Lëvizjes Vetëvendosje, Sylejman Meholli.
