Një gabim i vogël, i bërë pa dashje, mund të kthehet në një situatë tejet të sikletshme kur përfshihet një material intim.
Kjo i ka ndodhur një çifti të martuar, pasi burri ia dha pa e kuptuar një mikeje të familjes një DVD që përmbante një video private të çiftit. Tani, përveç turpit, ata përballen me frikën se materiali mund të bjerë në duart e vajzës së saj, shkruan The Sun.
Por si mund të veprojnë për ta zgjidhur situatën pa e bërë edhe më të sikletshme? Psikologia jep këshillën e saj.
Rrëfimi i plotë
Pa dashje i dhashë një miku të familjes videon time seksuale dhe tani nuk përballoj dot turpin t’i kërkoj të ma kthejë.
Pjesa më e keqe është se ajo është fshehur në një kuti DVD-je të The Little Mermaid dhe jam i tmerruar se mos vajza e tyre e zbulon.
Unë jam 40 vjeç dhe gruaja ime është 39. Jemi të martuar prej nëntë vitesh dhe gjithmonë kemi pasur një jetë seksuale mjaft aventureske.
Gjatë dy viteve të fundit, kemi eksperimentuar duke bërë video intime në shtëpi, por vetëm për t’i mbajtur për vete. Kisha harruar plotësisht se një prej tyre e kishim regjistruar në një disk dhe e kishim vendosur në një kuti të vjetër DVD-je.
Javën e kaluar, ndërsa po rregullonim shtëpinë dhe po hiqnim gjërat që nuk na duheshin, një mikeshë e afërt e familjes erdhi për vizitë dhe pa se po hiqja qafe DVD-të tona. Ajo më pyeti nëse mund t’i merrte për vajzën e saj, dhe unë pranova me kënaqësi.
Vetëm kur gruaja ime u alarmua pasi i tregova për “veprën time të mirë”, kuptova se çfarë kisha bërë.
Tani të dy jemi krejtësisht të turpëruar dhe nuk dimë çfarë të bëjmë.
Po sikur ta kenë zbuluar tashmë? Më vjen shumë turp.
Përgjigja e psikologes: Të ndihesh në siklet është një reagim krejt i natyrshëm, por kujto se të gjithë bëjnë gabime.
Në vend që të mos bësh asgjë dhe të rrisësh rrezikun që kjo fëmijë të shohë materialin tuaj për të rritur, shko te shtëpia e mikeshës dhe shpjegoja situatën – thuaji se në atë disk ndodhet një material personal i bërë në shtëpi.
Pyete nëse mund ta marrësh diskun mbrapsht dhe thuaji se së shpejti do t’i kthesh filmin e duhur.
Shpresojmë që të mos jenë përpjekur ta shikojnë ende atë “film”.
