Një person i dënuar për vepër të rëndë penale është lokalizuar dhe arrestuar mbrëmë në Prishtinë, pas një operacioni të njësive policore.
Më 08.02.2026, rreth orës 21:50, në Rrugën B, pas hulumtimeve operative dhe mbledhjes së informatave në terren, policia ka arritur të lokalizojë Enkel Mustafa (27- vjeçar), i cili pas verifikimit ka rezultuar me urdhërarrest aktiv.
Mustafa ishte i dënuar me tre (3) vite burgim për veprën penale “Keqpërdorimi seksual i personave nën moshën 15 vjeçare”.
Pas arrestimit, i dyshuari është shoqëruar nga njësitë policore dhe është dërguar në Qendrën e Paraburgimit në Hajvali, ku do të vuajë dënimin e shqiptuar nga gjykata.
Rasti konsiderohet i përfunduar nga ana e policisë, ndërsa i dënuari tashmë ndodhet në institucion korrektues.
