Lutfi Haziri, nënkryetar i LDK-së, i është gëzuar anëtarësimit të Kosovës në Bordin e Paqes, një nismë që udhëhiqet nga presidenti amerikan, Donald Trump.
Haziri e ka quajtur këtë një lajm të madh.
“Është lajm i madh për Kosovën, pjesëmarrja në iniciativën për paqe që Presidenti Trump sot në Davos e konfirmoi si proces të paqes. Kosova, më shumë se çdo vend tjetër, është falënderuese dhe mirënjohëse ndaj Shteteve të Bashkuara të Amerikës”, u shpreh Haziri.
Tutje, Haziri ka lavdëruar Vjosa Osmanin, presidente e Kosovës, ndërsa ka kritikuar Albin Kurtin, kryeministër në detyrë i Kosovës.
Natyra e përfaqësimit është e qartë, pasi Presidentja Osmani tash e disa vjet e përfaqëson Kosovën në takimet më të larta ndërkombëtare dhe rajonale…Kryeministri Kurti është në kufizime serioze për kontakte në nivele të tilla, për shkak të gjendjes brenda Kosovës”, tha nënkryetari i LDK-së.
