Kandidatja për kryetare të Kuvendit, Albulena Haxhiu, komentoi pas dështimit të 36-të për të formuar Kuvendin e Kosovës.
Ajo u pyet lidhur me seancën gjyqësore për përdorimin e gazit lotsjellës në parlament, ku mohoi akuzat për sulm, duke thënë se akuzohen për mbajtje të paautorizuar të gazit lotsjellës për 10 vite.
Gjatë intervistës, Haxhiu reagoi me pakënaqësi ndaj gazetarëve, duke kërkuar që më parë të verifikojnë informacionet para se të bëjnë pyetje të tilla.
“Nuk akuzohem për sulm ndaj Kuvendit, ne akuzohemi për 10 vjet për mbajtje në pronësi pra të gazit lotsjellës”.
“A je gjyqtare, a je prokurore? Të lutem para se të më bëni pyetje të tilla, së pari të merrni informacionet e pastaj të më pyesni”, tha Haxhiu.
