Kryetares së Kuvendit të Kosovës, Albulena Haxhiu, nuk i ka pëlqyer ironizimi i gazetarëve pasi ajo njoftoi se vazhdimi i seancës për zgjedhjen e presidentes është shtyrë për në ora 19:00.
Në momentin kur ajo bëri të ditur kohën e vazhdimit të seancës, gazetarët që po e përcillnin atë reaguan me ironi duke duartrokitur.
Ky reagim bëri që Haxhiu t’u tërheqë vërejtjen gazetarëve që të mos pengojnë zhvillimin e seancës.
“Media që janë të pranishme, me mirëkuptim ju kërkoj që të mos pengoni zhvillimin e seancës. Jeni këtu për të raportuar për qytetarët e Republikës së Kosovës, pra për interes publik, por të mos ndikoheni nga diskutimet tona”, ka deklaruar Haxhiu.
