Deputeti nga radhët e Partisë Demokratike të Kosovës, Bekim Haxhiu, i ka reaguar kryeministrit të Kosovës, Albin Kurti për mosvizitën në Hagë të krerëve të UÇK-së.
Kurti kishte thënë se arsyeja e mosvizitës ishte mbushja e shumë formularëve dhe nuk kishte kohë për këtë gjë. Haxhiu ka thënë se Kurti nuk ka pasur kohë të regjistrohet as në UÇK në kohën kur i thanë të qëndrojë në Likoc për t’ju bashkuar luftës çlirimtare.
Postimi i plotë:
Kurti paska deklaru që nuk i ka vizituar krerët e UÇK-së në Hagë se nuk ka pasë kohë me mbushë formularin- kërkesën për vizitë.
Ky edhe gjatë luftës nuk ka pasë kohë m’u regjistru në UÇK, kur i kanë thënë të qëndrojë në Likoc.
Ky përbuzës i çlirimtarëve, i pavarësisë, i luftës nuk e meriton lirinë që ata ja sollën. Nuk e meriton as pushtetin që po e gëzon falë tyre.
Kjo deklaratë pikërisht në Ditën e Veteranit është skandaloze. Ndoshta jo edhe aq kur bëhet nga një kryeministër mashtrues, nga një veteran i rrejshëm.
