Kreu i AAK-së, Ramush Haradinaj, është shprehur i bindur se Gjykata Kushtetuese “do ta gjejë një zgjidhje” pasi presidentja Vjosa Osmani iu drejtua këtij institucioni të martën.
Para fillimit të vazhdimit të seancës konstituive, Haradinaj tha se veprimi i Presidentes “e ndryshon gjendjen”, duke shtuar se ekziston mundësia për “pauzë ose ngrirje të afatit 30-ditor”.
“E vetmja shpresë mbetet kjo. Sot nuk shoh ndryshim. Jemi të detyruar të vijmë sepse kemi përgjegjësi, por sikurse e shihni, gjendja s’është e mirë”, deklaroi ai.
Haradinaj shprehu gjithashtu shpresën që aktgjykimi i ri i Kushtetueses “nuk do të vonohet”.
