Këshilli i Përgjithshëm i AAK-së, sot me votë unanime ka miratuar nominimet e pesë kandidaturave të fundit për kryetarë komunash.
Në mesin e tyre është edhe Hafize Sallahu, e cila do të kandidojë për kryetare të Kaçanikut.
Sallahu ishte arrestuar në nëntor të 2024-ës nën dyshimet për ryshfet e falsifikim dokumentesh në një autoshkollë në Kaçanik.
Sallahu e ka mbajtur postin e drejtoreshës së Kulturës në komunën e Kaçanikut që udhëhiqet nga Partia Demokratike e Kosovës, por ajo i përket Aleancës për Ardhmërinë e Kosovës.
E njëjta e drejton degën e kësaj partie në Kaçanik – në faqen e së cilës që në ballë gjendet një fotografi e Sallahut me Ramush Haradinajn, kryetarin e AAK-së.
