I dërguari presidencial për misione speciale në mbarë botën, Richard Grenell, i ka reaguar presidentes të Sllovenisë, Natasa Musar, pasi kjo e fundit ka mbështetur presidentin ukrainas Volodymyr Zelensky pas përplasjes me presidentin Donald Trump.
Grenell i ka kujtuar Musarit se Sllovenia edhe pse u zotua të paguajë 2% për mbrojtjen, paguan vetëm 1.29%.
“Në fakt, ju jeni një nga anëtarët e NATO-s me shpenzimet më të ulëta për mbrojtjen. Ju u zotuat të paguani 2% në 2014, por ende paguani vetëm 1.29% tani”, ka thënë Grenell në reagimin e tij.
Kujtojmë se presidentja e Sllovenisë tha se Rusia është agresori dhe se e mbështesin Ukrainën.
“Ajo që dëshmuam sot në Zyrën Ovale i minon këto vlera dhe themelet e diplomacisë. Ne jemi të vendosur në mbështetje të sovranitetit të Ukrainës. E përsërisim, Rusia është agresori”, ka shkrur ajo në rrjetet sociale.
Actually, you are one of the lowest spending NATO members on defense.
— Richard Grenell (@RichardGrenell) March 1, 2025
You committed to pay 2% in 2014 yet still only pay 1.29% now.
Nothing undermines NATO more than not paying your fair share. https://t.co/JOZuQYWUqh
