Pa ty jetës s’i vie era
As pa Ty dielli s’rrezon
Aromën tane e sjellë pranvera
Në nji komb qi na bashkon
Sh’nja Anjezë moj e bekueme
Ku çdo gja n’ty sjellë veç uratë
Edhe n’qiell Ti je e lumnueme
Na ban jetên tonë Ti të begatë
Gonxhja jonë lulja je e stolisun
Qi na e mushë zemrat plotë mirësi
Asnjiherë Ti s’na ke braktisun
Shên Terezë je plotë me hirësi
Mrekullitë tua që shpirtin na ngrohë
Edhe në netët ku frynë acari
Fytyrën tande engjullore kur e shohë
Je identitet i çdo Shqiptari
Argjiro Ukimeri – Prizren
