Donald Trump ka një arsye të re për të festuar – është bërë gjysh për herë të 11-të. Vajza e tij më e vogël, Tiffany Trump, ka sjellë në jetë një djalë, të cilin ajo dhe bashkëshorti i saj, Michael Boulos, e kanë quajtur Alexander Trump Boulos.
Lajmin e bukur e ndau vetë Tiffany në rrjetin social “X” (ish-Twitter), duke publikuar një fotografi të këmbës së vogël të të porsalindurit, shoqëruar me një mesazh prekës:
“Mirë se erdhër në këtë botë djali ynë i ëmbël… Të duam pa masë!”
Tiffany, 31 vjeç, dhe Michael, 27 vjeç, u martuan në një ceremoni madhështore në resortin Mar-a-Lago në vitin 2022. Ky është fëmija i parë për çiftin dhe nipi më i ri për presidentin amerikan.
I prekur nga lajmi, Donald Trump kishte bërë të ditur shtatzëninë e vajzës së tij gjatë një fjalimi në tetor, duke e përshkruar Tiffany-n si një “grua të jashtëzakonshme” dhe duke shtuar me krenari:
“Ajo do të bëhet nënë. Kjo është e mrekullueshme.”
Familja Trump tashmë feston ardhjen e anëtarit më të ri me emocion dhe dashuri.
