Sot, para Gjykatës Themelore të Mitrovicës kanë dalë katër anëtarë të familjes Gerbeshi, Avdullahu, Rrahmani, Emini dhe Kadriu.
GazetaKosova.net mëson se pas mbajtjes së seancës për caktimin e paraburgimit, është liruar Emin Gerbeshi.
Këtë e ka konfirmuar edhe avokatja e tij, Saranda Keqekolla.
“Po klienti im është liruar. Atij i është ndaluar ofrimi i vendit të caktuar – pronës”, ka thënë ajo.
Disa orë më parë ajo kishte thënë se klienti i saj është arrestuar padrejtësisht dhe s’ka prova për mbajtjen e tij në paraburgim.
